個案一
新學年升讀小四的嘉慧,近年所用的書包都是母親從垃圾房撿拾得來。
「自己搵錢唔多,𠵱家啲書包又咁貴,惟有慳得就慳,不過,每次執番嚟嘅書包,我都會洗得乾乾淨淨先畀囡囡用。」嘉慧母親張女士無奈地說。
張女士近月與丈夫感情有變,兩人正辦理離婚手續,十歲的嘉慧現由她獨力撫養。
因要照顧女兒,張女士只能在茶餐廳當兼職清潔雜工,每月收入僅一千五百元,由於入不敷支,母女同時要向社會福利署申領低收入綜援金,幫補生活開支。
從垃圾房撿舊物
在逆境中成長的嘉慧,思想比同齡小朋友成熟,她向記者表示:「媽咪冇錢,所以我唔會扭計買玩具,媽咪叫我用舊書包,我亦唔介意。」
然而,小朋友心底裏始終有夢想,嘉慧近日便在本報「童夢成真」的許願表格填上:「希望獲贈新書包一個。」蘋果基金遂完成她的心願。
嘉慧拿着新書包,興奮莫名。「個書包好靚呀,重有轆可以拉住行,咁我就唔使孭得咁辛苦啦。」小妮子說。