彭博報道，迪士尼將以524億美元（約4087億港元）收購21世紀霍士部份資產，為推出自家串流影片內容鋪路。報道稱，迪士尼亦計劃將21世紀霍士總值137億美元淨債務一併收購。

有指擁有ABC、ESPN嘅迪士尼喺今次收購21世紀霍士大部分資產之後，計劃發展2項類似Netflix的串流服務。第一項ESPN Plus將會於春季執行；而另一項目將會囊括迪士尼及旗下Marvel、Lucasfilm及Pixar動畫，而計劃會於明年尾執行。而串流服務平台將會於美國著名收費點播網站Hulu執行。

其實數周前外國傳媒已曾報道迪士尼有意與21世紀霍士進行併購之消息，只等正式宣佈。本已收購Marvel的迪士尼，將會掌控霍士集團旗下電影及電視製作部門。多年來不少觀眾都話希望《X-戰警》系列（X-Men）、《神奇4俠》（Fantastic Four）、《死侍》（Deadpool）回歸Marvel，現在似乎可以「夢想成真」。

迪士尼不斷壯大，是好事定係壞事？《盧根》導演占士曼高（James Mangold）日前接受訪問時就表示憂慮，稱若收購成事，「對我來就是傷感的，因為這代表了電影的種類可能會減少。」占士曼高感憂慮嘅係，Marvel Studios嘅MCU電影系列，會唔會敢拍好似《盧根》、《死侍》呢類限制級超級英雄電影呢？

迪士尼一向sell合家歡、溫情，就連北歐神話中很悲壯的「諸神黃昏」，在迪士尼旗下可以拍成笑片一樣，占士曼高的擔心，不無道理。他稱：「你唔會見到《盧根》出現喺麥當勞嘅開心樂園內，唔會有俾幾歲小朋友玩嘅玩具。依家大部分超級英雄片，都唔係故事，而只係為求推出商品。

而主演《死侍》嘅萊恩雷諾斯（Ryan Reynolds）接連喺IG開post，先喺放一張Deadpool同將會喺《復仇者聯盟3：無限之戰》扮演Thanos嘅Josh Brolin手指掂手指嘅相，之後佢再放一張Deadpool喺疑似喺迪士尼背景下，被保安拉咗，而保安心口上仲有「STARK」字樣，仲留言：「Apparently you can’t actually blow the Matterhorn.（事實上你不能足郁一座山）」似乎非常之反對加入MCU咁噃！

更多娛聞，喺晒《娛果》
http://fb.com/appledailyent