當年今日
關於我們
馬德鐘壽星爸爸期待囝囝一吻
蘋果日報 2005/06/20 00:00
無綫劇集《情迷黑森林》的一班演員馬德鐘、胡杏兒、陳文媛和胡諾言等昨日在奧海城跟市民一齊歡度父親節。無綫更準備了生日蛋糕替兩位已為人父的壽星爸爸馬德鐘及曾守明預祝生日,馬德鐘說:「我係二十七號生日,今日都會同屋企人食飯,我都冇期望會收到乜嘢,只要個仔送張卡,送個吻畀我都已經好足夠。」
「顧得上唔顧得下」
胡杏兒穿着背心短裙出席活動,胸前已經貼滿膠紙做足安全措施的她因下身穿着短裙,故站在台上時仍小心翼翼,杏兒說:「顧得上又唔顧得下,因為最近我又瘦咗,所以件衫好鬆,馬德鐘重叫我行去台邊,咁樣可以贏港姐上頭條。」
陳文媛表示自離開舊公司後很久沒有跟李蘢怡聯絡,對於她刻意性感爭取曝光,陳文媛說:「每個人要嘅嘢唔同。」
衣着性感的胡杏兒獲同劇的小演員獻吻,笑得份外開懷。
陳文媛昨日出席活動時與市民一齊歡度父親節。