大陸模特兒方媛(Moka)今年9月為郭富城誕下女兒Chant，城城早前透露囡囡有嫲嫲、婆婆同陪月照顧，所以佢都係負責玩，問到想唔想生第二胎？城城只係話順其自然，唔會刻意追求。

「城嫂」Moka今年30歲，要繼續生小朋友仍然有大把時間，所以城嫂近日已開始復工，今日喺微博貼咗幾張硬照造型相，除咗有標誌靚樣，仲有一條好吸睛嘅小蠻腰。估唔到方媛生完3個月已極速修身，留言﹕「好久不見的工作花絮當（媽）後多了份責任和牽掛，希望照顧好（囡囡）的同時也能繼續做我自己喜歡的工作。」唔少網民都大讚佢身材好好，好似冇生過BB咁，城城最有福氣啦！

更多娛聞，喺晒《娛果》
http://fb.com/appledailyent