已故「慈善伶王」新馬師曾遺孀洪金梅（祥嫂）同四子女再爆衝突，一家人又因財反目斷絕來往！

今日祥嫂同黃夏蕙出席元朗鄧氏宗親祭典，祥嫂話：「20年前同祥哥嚟過，20年後自己孤家寡人嚟，感覺好唏噓！」問到有冇通知仔女嚟？祥嫂話：「冇咁必要，我係長輩嚟，輩份好高。」係咪同仔女不和？祥嫂話：「唔可以咁講，佢哋都係我所生。」問到是否切肉不離皮？祥嫂話：「在我嚟講就係，至於佢哋，我唔可以代答。」

究竟雙方係咪又爭家產？祥嫂話：「講真做戲佬（祥哥）賺得幾多，佢又爛賭，搵得嚟輸得去，總之只係地同物業增值，啲地喺67年已經買入。」O依家有幾多物業？祥嫂話：「我點知，總之我有嘅物業，冇賣過出去，比上不足比下有餘。自己係一個賢內助，之前祥哥三任老婆都冇呢啲物業。」