於全球都超賣座嘅《狂野時速》系列，最新第8集全球票房接近12.4億美元（約96.7億港元），而第9，第10集亦已預計於2019及2021年上映。但今日女主角米雪洛迪古絲（Michelle Rodriguez）卻驚爆表示想辭演，令粉絲心碎！

米雪於電影中飾演雲狄素（Vin Diesel）老婆Letty，因為大受歡迎，角色甚至死過翻生。但今日佢突然喺Ig貼出劇照，更寫道：「《狂野時速8》今日推出數碼版，我希望下一集佢哋會表現出更多對女性嘅愛，如果唔係我就要同呢個摯愛嘅電影系列告別喇。呢次係個好好嘅旅程，我好感謝粉絲同電影公司咁多年嚟嘅支持。」此話一出，粉絲紛紛留言叫佢唔好走，相信眾多影迷都唔會再想見到多個主角離開。