由李幼梨、柳秀榮、李準、鄭素敏等主演嘅韓劇《爸爸好奇怪》3月首播，播出後一直大受觀眾歡迎，收視仲節節上升。

不過近日節目一場咀戲卻受到爭議，《爸爸好奇怪》主要係圍繞有不為人知嘅秘密，但為家人付出一切嘅好爸爸嘅故事，佢同太太及四名仔女一直生活得幸福愉快，但自從一個明星寄宿入佢哋屋企後，生活就開始發生變化。

而噚日播出嘅一集就播出咗鄭素敏同李準嘅一場吻戲，由於劇中李準同鄭素敏係上司同下屬嘅關係，加上二人事實上係同父異母嘅兄妹，雖然現時劇情仍未交代兩人的關係，但唔少觀眾都深知呢個事實，所以噚日呢場吻戲播出後，唔少觀眾都投訴劇集有鼓勵職場性騷擾之嫌，加上兄妹咀嘴更令人有亂倫感覺，所以即作出投訴。而韓國廣播通信審議委員會嘅相關人士就話已收到有關投訴，佢哋會開會後再檢討如何處分。