【派月餅但唔食得】蔡一傑期待日本Fans來港捧場 為個唱靚衫忍口
蘋果日報 2019/09/03 16:55
蔡一傑阮兆祥月餅
（攝影：曹家誠）
即將在10月舉行個人演唱會的蔡一傑，今日現身商台宣傳，又向同場出現的阮兆祥等人派月餅，傑仔表示由於正密鑼緊鼓為演出做準備，要保持最Fit身形，所以即使臨近中秋節都要戒口，他說：「我準備咗好多靚衫，為咗到時着畀大家睇，所以而家要忍吓口。」
傑仔透露即將要和樂手們做歌曲排練，歌單和戰衣都準備得七七八八，至於嘉賓方面，他表示仍要賣關子，同時又稱今次會有不少朋友前來捧場，包括外地歌迷：「啱啱喺早前去日本拍音樂特輯，今個月22號就播，到時應該有日本嘅歌迷嚟睇。」傑仔又表示望透過今次演出向觀眾發放正能量：「我希望大家嚟開開心心過一晚，到時都準備咗好多有message嘅T恤，希望大家可以着住嚟睇騷。」
講到好友阮兆祥差不多同一時間舉行演唱會，傑仔說：「祥仔早我一日，佢開騷嘅時候我啱啱要總綵排睇唔到，但佢就可以嚟睇我尾場，我希望嚟睇我演出嘅歌迷，先睇祥仔個騷然後再嚟我度。」
採訪、攝影：曹家誠
蔡一傑下月開騷，他說要忍口Keep fit。
阮兆祥與蔡一傑同期開騷，今天在電台宣傳時相遇，更開心擁抱。