ViuTV新劇《暖男爸爸》笑中有淚，除鄭中基、張可頤兩位主角演出恰如其分，不少角色都有驚喜。現年31歲，擁有36C驕人上圍的李昭南（Mishy）在劇中飾演「骨妹」Nami，是林世榮(鄭中基飾)的鄰居，不時幫忙照顧他的兒子暴龍哥。在周四（29日）播出一集，李昭南穿上超性感低胸小背心，以逼爆身材驚艷登場，即成網民Cap圖對象。

Mishy今日接受《蘋果》電話訪問時表示受寵若驚，笑言看到自己的性感演出都嚇一跳：「我都嚇一下呀，哈哈，講笑啫。但真係演出以嚟最性感一次，服裝係我中學嘅女同學負責，所以好放心，加上劇入面個名叫Nami，其實係好似《ONE PIECE》入面嘅Nami動漫Look，個女仔性格都係外表好戰鬥格，但內裏好好善良、會保護弱小，反差好大。」

Mishy透露讀中學時已擁有驕人身材，但一直很介意別人的批判目光，她說：「我唔覺自己身材好好，因為fashion model着衫好靚，但都唔係我呢種身形，有時自己都好矛盾，成日畀人話我寒背，縮埋一嚿，最近仲試紮胸背心添。」可擔心性感被定型？她說：「唔會，性感只係表面，同演技係冇衝突。」劇中Mishy除是「骨妹」，亦是一位苦情媽媽，其中拍攝一場臨時加插的爆喊戲，Mishy一叫即做：「導演原本話一個星期後拍，背景都未清楚，過咗10分鐘就突然叫我埋位，我望住個Mon幻想見唔到個仔，咁就喊得出，cut機後起身面都青埋。」首次跟鄭中基合作，她大讚對方沒有架子﹕「最好笑係見佢俾小朋友恰，感情好真，真係好似一位暖男爸爸，小朋友圍住佢冇違和感。」

其實Mishy除有外在性感一面，亦富有內涵。據了解她讀書成績理想，以全額獎學金入讀加州大學戴維斯分校，再以高等榮譽成績畢業於傳播及舞台系，及後放棄美國華盛頓政府總部的電視台主播職位，回流香港發展，初期曾參與荷李活電影《黑客特工》及《變形金剛4》的選角工作，並於2016年贏得「全美華埠小姐競選2016第二公主」。Mishy亦很喜愛音樂，擅長鋼琴、 搖滾鼓、手風琴、豎琴、結他等樂器，可謂多才多藝。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！