韓國天團BIGBANG成員T.O.P今年2月入伍後，曾與女練習生韓瑞希喺寓所吸毒，T.O.P方面指受當時嘅女友韓瑞希所誘毒才吸食大麻，之後兩人亦冇再交往，但韓瑞希就否認誘導T.O.P食大麻，反指大麻煙喺T.O.P褲袋。

而韓瑞希就大麻案喺一審中原本判咗3年有期徒刑，緩刑4年執行，但檢方因不滿判罰太低而上訴，喺日前二審就維持原判。
韓瑞希因今次事件而成為新聞人物，佢本身曾參加選秀比賽，一直想做藝人，佢噚晚做直播時就自爆將於明年1月出道，佢話明年將會以4人女團成員身份出道，本身冇想過會有咁多人關注自己，令佢感覺好大責任。

韓瑞希仲話自己係女權主義者，所以今後要努力改善社會地位。同時佢喺直播中又再提及吸大麻事件，表示大麻係T.O.P從朋友中拿來畀自己吸食。唔少網民都留言叫佢唔好再借T.O.P來炒作，又指佢介紹自己是係唔係以「我係同T.O.P一齊吸大麻嘅韓瑞希。」