現年41歲嘅韓國男諧星尹聖鎬，以光頭、健碩身形、普通話實力見稱而為觀眾熟識，不過佢噚日喺Instagram公開咗自己減肥成功嘅對比相，明顯可見嘅腹肌引起網民熱議。

身高183cm嘅尹聖鎬因為有個大肚腩，所以決心減肥，佢噚日於Ig寫道：「3個月嘅減肥終於完結，由189磅減到154磅。儘管身體唔好，教練都唔建議我靠運動減肥，但我仍然挑戰成功喇，雖然唔算係好完美嘅身材，我都為自己感到驕傲。」尹聖鎬又搞笑表示：「依家我可以盡情飲啤酒、食炸雞睇世界盃。」對於佢減肥成功，唔少網民都留言大讚佢有毅力，不過佢減完磅就飲啤酒、食炸雞嘅打算，網民就唔多建議，因為會好容易反彈又肥返。

更多韓流，喺晒《娛果》
http://fb.com/appledailyent