碧比安娜（Bibiana Steinhaus）星期日喺哈化柏林以0:0賽和雲達不來梅嘅比賽成為咗歷來第一位喺德甲執法嘅女球證，表現仲相當唔錯，不過可能因為太興奮，最後佢唔記得咗拎諗住用嚟紀念嘅比賽用波，好彩佢男友、前英格蘭著名球證韋比（Howard Webb）都有入場睇波撐女友，結果係佢努力同哈化方面嘅人員溝通之後，韋比終於拎到個波畀女友留念。

碧比安娜星期一接受德國《圖片報》訪問時就話︰「我哋之前一晚見過面，佢已經飛咗返紐約，個波就放咗喺我客廳度展示。」