特首梁振英囡囡梁齊昕曾經話過，老竇「連facebook係咩都唔知」，但CY原來今日下晝起開設咗以「CYLeung」為名嘅戶口帳戶，有官員向《蘋果》確認，CY今日有個fb戶口。

呢個帳戶上載咗一張CY喺禮賓府、著住白色印上「家是香港」嘅Polo恤，以「白宮發言人」自居的新聞統籌專員馮煒光亦分享CY呢幅相。CY仲Like咗環境局嘅「大嘥鬼/BigWaster」專頁。

今年年初，財政司司長曾俊華亦開設其咗佢哋Facebook帳戶，有逾3300位Facebookfriends，逾12000位followers，唔少人覺得CY面對財爺呢位網民至Like嘅強勁對手，唔開fb都唔得；fb開咗不足六小時，一度莫名其妙摺埋，輸頭威兼冇埋尾陣，但最後又開返。

其實政務司司長林鄭月娥上周五講過，政府未來會積極拓展多媒體平台，善用社交媒體，擴大接觸面，包括推出更多手機應用程式、YouTube頻道、微博、Twitter、Instagram及Facebook等，加強與市民的溝通：「很老實說，社交媒體對政府而言是相對較新的公關法，我們還需要摸索如何可以最有效地利用這些工具和市民溝通。」