【獨家】岑麗香果欄拍大台劇阻街俾佬圍 得大隻仔黃浩然解圍

蘋果日報 2017/09/11 00:02

岑麗香黃浩然果欄中的江湖大嫂
    人妻岑麗香(香香)同人夫黃浩然，最近孖住開拍新劇《果欄中的江湖大嫂》，承接之前套姊妹作《火線下的江湖大佬》，《果欄》主力取景都係廟街、果欄一帶，需知道以上地區人多車多性情中人亦特別多，喺度拍劇，分分鐘俾人問候不特止，全家上下亦隨時俾人關心好幾次。
    日前(8日)夜晚10點幾，岑麗香同黃浩然就喺果欄拍場截的士嘅戲，劇中講述香香喺街邊截的士，上車追截黃浩然。其實劇情嚟嚟去去得幾個鏡頭，不過由於現場有唔少背心短褲大隻佬喺香香身後駐足，金睛火眼似乎想一親「香」澤，結果要勞煩工作人員邀請佢哋稍移玉步。
    同時，由於夜晚果欄啲新鮮運到嘅生果，放滿一地，變相泊喺其中一條線、用嚟拍劇嘅的士，就同其他往來嘅大車、貨車爭路，加上大型嘅攝影器材同一大堆工作人員，現場就充斥住車聲、「砵砵」聲、途人叱喝聲、混沌一片。
    不過已經習慣呢類場面嘅香香，一埋位就七情上面，Take咗幾個shot就搞掂。而未埋位前，香香仲施施然拎把風扇出嚟吹吓面、補補妝，至於着住白色背心嘅黃浩然，雖則呢場戲同香香唔算多對手戲，但每次拍完一個shot，佢都自動自覺走埋香香身邊，以健碩嘅身驅幫手擋住男途人嘅目光，有黃浩然做護花使者，難怪香香可以咁淡定囉！
    empty
    empty
    香香大前晚喺油麻地果欄拍劇。(攝影：朱志聰、羅德光)
    empty
    雖然香香包到冚，但都引起現場赤膊男同黑衣人嘅注目。
    empty
    雖然黃浩然同香香對手戲唔多，但黃浩然一放break，就會企喺香香隔籬。
    empty
    empty
    手瓜一截截嘅黃浩然，大隻咗好多。
    empty
    正面睇一樣咁大隻。
    empty
    香香不停跑。
    empty
    七情上面。
    empty
    現場人多車多生果多，再泊多部的士拍戲，難怪塞住條路。
    empty
    雖然短短三、兩個shot，但就拍咗接近兩個鐘先搞掂。