【馮仁昭四圍超】當選成都政協
洗米嫂高原受軍訓

蘋果日報 2018/06/27 05:20

馮仁昭四圍超周焯華洗米華陳慧玲洗米嫂成都政協
    太陽娛樂老闆周焯華（洗米華）今年冇得再連任廣東省政協委員，不過佢老婆陳慧玲（洗米嫂）今年就當選成都市政協委員，前日仲同港澳區嘅成都政協代表去咗成都參加「成都港澳台海外代表人士培訓班」，大約有50人參加為期五日嘅訓練，噚日仲去咗中國工農紅軍長征翻越嘅第二座大雪山夢筆山嘅軍營落腳。
    洗米嫂着晒軍裝，揸住支軍旗喺山上留影，仲將呢啲相放上社交平台分享。睇佢着住軍服個樣都幾有英姿，同平時嘅佢好唔同，佢留言：「一時藍天，一時陰天，之後還下雨。海拔4,000多，呼吸很困難，而且耳朵痛到不得了，頭也痛。」聽日佢哋會去某啲災區視察，每個政協代表呢五日嘅表現都會有評分。
    empty
    做咗成都政協嘅洗米嫂，噚日着軍裝上夢筆山插旗。互聯網圖片
    洗米華撐新店
    其實洗米嫂真係好忙，一時要做公職，一時又要搞生意，佢嘅「綠．廚房」連花店日前喺澳門開分店，洗米華同鄺美雲都有現身剪綵，洗米嫂細女都有嚟，洗米華見到細女好開心，爭住抱，兩公婆仲有講有笑，似乎夫妻感情又邁進一大步。
    撰文：馮仁昭
    empty
    洗米嫂日前抱細女出席花店開張，洗米華都有撐場剪綵。