謝婷婷前晚在中環出席M.A.C與HelloKitty限量產品宣傳活動，戴上巨型爆炸裝金假髮及性感短裙，化身HelloKitty女郎。她表示沒看過胞兄謝霆鋒妻子張栢芝早前的有線專訪，她說：「我冇睇，都冇興趣去知，由頭到尾都冇理，今次係好私人嘅事，唔關我事。」

婷婷又謂很久沒見過栢芝，她說：「我真係冇興趣，我寧願花10分鐘睇sportsnews，睇完訪問對佢都唔會有唔同感受。」提到栢芝指陳冠希貓哭老鼠，婷婷說：「我當然相信阿嫂啦！」她又強調自己支持阿嫂，只是不會特別開口講，她說：「會唔諗囉，一齊開心，睇吓BB，打吓機，佢係我阿嫂，我愛佢，佢錫BB，我更加愛佢，佢又係我哥哥嘅老婆，所以愛佢係無條件嘅事，唔需要特別做特別事，點都會支持。」
婷婷又指霆鋒和栢芝十分恩愛，她說：「我阿哥成日打啲好古怪嘅機，阿嫂就唔瞓咁幫佢打嚟儲分，希望佢哋生多啲細路。」提到她與安志杰的緋聞，她即說：「愛情嘅嘢唔講。」兩人已經昇華到愛情？她說：「唔講喇。」只含笑點頭示意很開心。
採訪：羅慧敏
攝影：陳慧安