當年今日
關於我們

麥潔文哭別亡父

蘋果日報 2017/05/26 00:00


麥潔文的父親麥洪於本月初因急性肺炎病逝,享年93歲,昨日麥洪家人在紅磡世界殯儀館為他以基督教儀式設靈,麥潔文和老公江華黑衣素服送父親最後一程,她說:「爸爸好安詳,係笑喪。」麥潔文難過表示未能見最後一面,她說:「見唔到,不過去到叫爸爸,部機(維生儀器)本身讀數係零,但係有跳一跳,相信爸爸應該知我哋有嚟。」
之後麥潔文更傷心流淚,江華輕掃老婆手臂安慰,她說:「爸爸唔舒服,通常係我陪佢去醫院檢查,老公負責揸車,都好多謝老公幫手。」問到對外父印象?江華說:「外父應該幾鍾意我,佢好好人,好尊敬佢。」
採訪:曹家誠
攝影:陳順禎