梁詠琪（GiGi）昨日出席「理大校友綠化香港植樹活動」，對於蔡卓妍（阿Sa）表示寧願暗戀鄭伊健亦不揀謝霆鋒，GiGi認為只是電影《阿孖有難》的宣傳橋段，並笑說雖然自己沒有份參與拍戲，但亦願意配合，更表示不擔心阿Sa和伊健日久生情。

梁詠琪昨日在何文田京士栢公園出席「理大校友綠化香港植樹活動」，由於理工大學是GiGi的母校，故她今次特別由廣州趕回港做嘉賓，GiGi的出現大受師弟師妹歡迎，大學代表更致送盆栽和學校的風褸給GiGi。

不怕日久生情
GiGi在台上演出時，與一班幼稚園小朋友一起合唱，𠱁得他們十分高興。梁詠琪接受記者訪問時說：「其實之前學校都搵過我參與活動，但係時間就唔到，佢哋重叫過我返嚟演講，但我覺得通常係博士或者碩士先會演講，我覺得壓力好大，所以冇做，今次活動我覺得好有意義，年輕人應該有建樹，綠化環境好緊要。」
對於蔡卓妍稱寧願傳她暗戀鄭伊健，亦不想和謝霆鋒傳緋聞，對此GiGi說：「我唔清楚，但覺得係電影宣傳，佢都係配合先講啫，雖然套戲我冇份參與，但我亦願意幫手宣傳，我識得阿Sa，佢好可愛。」問到可怕阿Sa和伊健合作得多而日久生情，GiGi說：「都未去到呢個地步，大家都係為電影巿場出一份力啫。」

未受毒品引誘
對應采兒涉嫌藏毒，GiGi曾和對方合作過，但她就表示大家私底下沒有聯絡，她說：「我都係睇報紙先知，件事交畀警方處理，我冇乜好講，我覺得唔會影響藝人形象，因為公眾好識得分，作為藝人應該潔身自愛，唔好以身試法，知道件事我都好愕然。」GiGi又表示自己從來沒有受過毒品引誘，她相信自己定力十足，不會動搖。
採訪、攝影：駱華齡