個案一
「估唔到有咁多熱心人士幫助我哋，感到好開心，𠵱家生活開支暫時都係靠帛金同埋親戚幫手，呢筆善款除咗基本使用之後，其餘全部會儲起，留番將來供兩個細路讀書。」冼太連聲感激地說。
基金撥殮葬費
冼木根夫婦結婚二十多年，育有兩名分別十二歲及六歲的兒子，阿根從事地盤散工多年，乃家庭的經濟支柱。惟受經濟不景影響，阿根經常出現開工不足情況，經濟十分拮据，冼太便在熟食檔當兼職侍應，幫補生計。
月前，阿根喜獲安排開工，怎料工作期間意外跌落電梯槽底喪生。生活貧困的冼太，欠費殮葬亡夫。有見冼家的經濟苦況，蘋果日報慈善基金即時從「殮葬專戶」撥款一萬元，以解燃眉之急。此外，冼太另接獲讀者捐款四萬零九百八十元。
「人都去咗，自己都睇開啲，但係夜晚成日都會瞓唔着，𠵱家全部精神都會放晒喺一對仔身上，希望佢哋畀心機讀書，生生性性。」冼太說。
捐款編號：C0714