呂珊同楊立門喺嚟緊嘅星期日（18號），將於香港文化中心舉行「All The Way with Rosanne & Raymond」演唱會，兩人今日到觀塘錄音室綵排，今次演唱會以經典英文金曲做主題，珊姐表示入行咁多年從未試過做一個全英文歌嘅演唱會，佢話：「以前成日會唱英文歌，自己都好鍾意，但係全個演唱會都係英文歌就未試過。」

兩人表示最困難係揀歌，因為有太多由細聽到大嘅金曲，只得兩個鐘演出，可以揀嘅歌實在唔多。楊立門表示：「其實英文歌演唱會係有市場嘅，希望今次反應好，之後有機會再開。」

做完今次演唱會，嚟緊4月珊姐就要起程到橫店為劇集《包青天》拍外景，佢話：「今次要去橫店一個月，自己從來未試過離開屋企咁耐，未出發就已經有思鄉病。」

精選娛聞，喺晒《娛果》
http://fb.com/appledailyent