雖然首日即刻破底,但經紀陳話現代美容其實算係咁,早市跌至0.78元,收市抽番上去0.91元,成交股數5531萬股,金額5059萬元,較招股價跌9%,已經比起原先大家估計跌得少,但負面因素消化前睇嚟唔會有人夠膽走去博反彈。
另外,近排大市炒到㷫烚烚,可說雞犬皆升,陸續有細價股被發掘,明豐珠寶(860)繼大前日急升,前日回軟後,昨日又再發力衝上,升13.51%,收0.42元,成交股數3982萬股,金額1553萬元。
經紀陳好耐之前曾話過明豐可炒大陸零售概念,但一直未見有動靜,只係久唔久有人出嚟露兩手,但今次因為市況相就,終於突然跑出。
慕容小初