美國真人騷女星Kim Kardashian同饒舌天王Kanye West結婚三年，兩人育有兩個寶貝仔女，趁住丈夫本月初40歲牛一，Kim姐同老公去咗日本旅行慶祝，原來Kim姐以前從未去過日本，而去過日本多次嘅Kanye West就曾於節目講過會帶愛妻遊日，今次果然兌現承諾，二人更於東京鬧市出巡製造哄動。

Kim姐份人出名高調，今次佢首次去日本都例牌打晒鑼鼓，更唔少得大陣仗出巡，兩人似乎對原宿情有獨鍾，此行已兩度現身原宿區行街，戴上黑超嘅Kim姐亦表現得相當好奇，在裹原宿吸引大批市民圍觀，佢亦唔執輸拿出手機反拍途人。Kim姐更被發現穿白色小背心同老公現身表參道一帶，佢又到大型玩具店Kiddy Land為子女掃貨，不過Kanye West就全程冇表情，睇嚟唔多enjoy。