【搵男朋友先】莊思敏被問會否生小朋友 直言︰隨緣啦！
蘋果日報 2019/09/07 16:55
莊思敏劉綽琪
攝影︰盧妹
莊思敏與劉綽琪今日到荃灣出席與小朋友提早慶中秋活動，莊思敏指活動很有意義：「呢個機構係照顧有工業意外嘅家庭啲小朋友，之前我都有做過探訪，覺得而家嘅小朋友好有思想。」
她表示會用對待成年人的方式與5歲以上小朋友溝通：「有時拍劇遇到啲4、5歲嘅小朋友，已經立志做演員、男團，所以佢哋好畀心機去演出。」問她有否打算生小孩？莊思敏笑謂：「隨緣啦，我知而家有AI小朋友，科技好發達，如果佢激親你，可以拔佢喉。」
談到早前莊媽媽生日，她表示要開工已提前慶祝：「阿妹同阿楊（楊明）有返去慶祝，媽咪生日願望都係身體健康，想我有男朋友嗰啲隨緣啦，催唔嚟。」
同場的劉綽琪表示有意開製作公司與美國朋友合作：「不過最近社會氣氛唔好，啲項目都叫停咗，希望香港盡快回復平靜。」
莊思敏笑言找男朋友，隨緣啦！
劉綽琪希望香港盡快回復平靜。
劉綽琪和莊思敏今日與小朋友提早過中秋。