陳豪和黃德斌今日在尖東出席美容活動，其間陳豪更即席沖咖啡給現場嘉賓享用。陳豪透露剛從土耳其返港，「今次同Do姐（鄭裕玲）、農夫一齊拍節目，我冇被Do姐窒喎，但佢同農夫就互窒，我睇慣咗，唔窒先有問題。」他指在當地試過用咖啡渣占卜，「高人叫我有嘢想買就唔好買住。（買樓？）唔知呀，我都唔係好明佢講咩！」

對於今日有學生罷課，陳豪指子女讀國際學校，相信沒有罷課，而且今早送小朋友上學，交通十分暢通。

至於聲音有點沙啞的德斌，最近患上感冒，看了醫生仍未痊癒，他說：「因為最近拍緊電影，唔夠休息，睇醫生食藥，然後開工，差唔多10日，好多鼻水，呢兩日直頭聲都冇埋，咁啱呢幾日全部都係動作戲，仲辛苦，但係就唔使講嘢，加上係外景戲，又落雨又出太陽，我換咗3次衫都濕晒。」他指這部警匪片是與甄子丹、謝霆鋒合作，劇情講述他與甄子丹同屬一組警察，更需要與10幾人對打。問到有沒有被扑頭？德斌笑說：「被佢哋扑咗好多個樽，扑到腫晒，拍咗5個take先收貨。」由於德斌早前拍戲時，誤傷周潤發頭部（新聞連結： https://bit.ly/2Tzwoxi ），笑問導演是否發哥好友？他笑指：「一定係啦！」

-----------------------------
【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9