【黃金機會】與高伯新重修舊好 黃士心搵「拿督」影頭馬相
蘋果日報 2019/10/09 16:58
谷草高伯新黃士心旅遊拿督
黃士心（後排中）恢復支持高伯新（後排左）- 旅遊拿督在港八次入位未開齋
政府立下「禁蒙面法」後，市面仲亂過之前，百業受創，旅遊業當然係重災區。
最近十一黃金周來港旅客少以往五成，經營旅行社起家的黃士心睇到都肯定唔開心，不過依家黃生都半退休，得閒入吓馬場放鬆吓好過。
黃生同高伯新關係近年曾經唔係咁好，「旅遊」系賽駒曾完全撤離高廐，惟二人上季似乎重修舊好，事關「旅遊拿督」已經回巢並曾多次出賽，可惜暫時仲未贏到，位置則有幾次。
呢匹六歲愛爾蘭自購馬今晚（9日）係季內初出，在谷草出戰第三場四班1200米，得1檔之利，贏馬黃金機會已到，相信黃生同高伯新都有呢個想法。