葉念琛喺世界盃期間連翻下注，成功刀仔鋸大樹，最威水係買中南韓贏德國2:0，之後又俾買中烏拉圭贏葡萄牙2:1，雖然佢強調小賭貽情，每注只係買$10，不過咁冷門都中，成績相當好。

噚日葉念琛俾心水《蘋果》，睇好俄羅斯主場贏西班牙2:0，另一場就睇好克羅地亞贏3:0或者3:1，雖然最終兩場都係打成1:1平手，兩場波膽落空，但佢都叫估到俄羅斯同克羅地亞晉級8強，都叫有交代。今日又有兩場16強賽事，頭場葉念琛睇好巴西贏墨西哥2:1或者3:1，根據馬會目前倍率，都分別有7.75同8.5倍。反而尾場，佢支持亞洲隊日本會贏比利時2:1，足足有23倍，葉念琛話都係個句：「小賭怡情，都係買10蚊好嘞。」

精選娛聞，喺晒《娛果》
http://fb.com/appledailyent