十五歲嚴重聽障童浩仔，兩年前獲醫院管理局資助接受手術，靠內植的人工耳蝸及外置耳背式言語處理器，大大提升聽力。可惜，浩仔早前在放學途中，遺失了價值二萬多元的言語處理器。浩仔家境清貧，無法自費重新添置，遂透過社工向蘋果日報慈善基金求助。

自從遺失那部言語處理器後，浩仔暫時只能借助傳統助聽器應付日常生活。「當初因為助聽器幫唔到佢，所以先決定做人工耳蝸手術，𠵱家我最擔心浩仔上堂聽唔到書，會影響學業。」浩仔的母親李女士說。
浩仔自出娘胎便患有耳疾，雙耳有嚴重聽力障礙，他兩年前接受醫生建議，進行人工耳蝸手術，聽力因此得到顯著提升。

擔心影響學業
浩仔的主診醫生、香港中文大學醫學院耳鼻喉科主管唐志輝教授表示︰「以前佢戴咗助聽器，都只係聽到不足兩成嘅聲音；自從內植人工耳蝸加埋部言語處理器之後，佢就聽到六、七成，效果算唔錯。不過，言語處理器係需要時間去學習同適應，長期唔用嘅話，就會退步。」

途中遺失儀器
可惜早前，浩仔乘坐巴士放學時，因人多擠迫，懸掛在耳背上的言語處理器疑於混亂中飛脫，及至下車後才發現。由於醫管局不會再作撥款資助，李女士正為重新添置言語處理器的費用惆悵︰「我好痛心，亦唔知喺邊處搵錢幫佢重新配番部機。」
浩仔家境清貧，父親原本在酒樓工作，惟已失業近三年；浩仔有一兄一姊，兄長在報攤任兼職，收入低微，姊姊則仍然在學。
最近，李女士在酒樓找到一份售賣點心工作，一家五口的經濟才稍稍紓緩。「我哋屋企環境好差，只係唔行到最後一步，我哋都唔想申請綜援。」李女士訴說。