吳千語今日喺深圳出席何國鉦DorianHo2013秋冬時裝騷，千語BB已經唔係第一次行婚紗騷，被問到行完婚紗騷有冇結婚衝動？佢話：「自己行咗五六次婚紗騷，感覺似禮服，見經理人忙搞婚禮覺得好複雜。」

千語BB話自己今年檔期滿晒，未有時間諗結婚，記者問到林峯係咪結婚對象，佢話： 「每次拍拖結婚目標，因為自己認真。」

另外，同場趙雅芝囝囝黃愷傑表示o依家喺北京讀緊碩士，仲有一年讀完。早前佢有機會參與荷里活電影《變形金剛4》試鏡，而且首輪成功，不過第二輪要培訓一個月，撞咗工作所以退出，佢都覺得好可惜，自己亦考慮咗好耐，而o依家佢就忙拍電影。