賭王何鴻燊四房兒子何猷君有家底、靚仔又有學識，在芸芸富二代中絕對是超級筍盤，不過自他與經常被指整容的雙胞胎組合By2成員白緯玲（Yumi）爆緋聞，玻璃碎即時鋪滿一地，台灣《蘋果》昨日爆猷君上月在facebook貼他跟Yumi戴情侶帽的相片，似乎名草的確已有主。
據知，二人貼相是為了慶祝交往一周年，相中與Yumi戴紅色情侶cap帽的猷君，甜蜜依偎在Yumi右邊膊頭，猷君的帽寫着「Always loyal to Yumi（對Yumi永遠忠誠）」，Yumi的帽則寫「Always love Mario（永遠愛猷君）」，相當溫馨。

「個個都係朋友」

四太梁安琪之前被追問囝囝的戀情時，表示猷君年紀還小及未讀完書，一定不會閃婚，重擊Yumi入門美夢，昨日本報記者再問四太關於猷君的戀情，四太再次棒打鴛鴦：「老唔老土？第一，我唔知啲相係乜嘢，冇興趣睇，太多嘢做，唔會睇facebook，亦冇facebook，所以冇乜可以評論。」談到相片中二人頗親密，四太強調：「個個都係我個仔嘅朋友，佢咁細個，讀書先，讀書行先，未定性，未夠成熟。」
採訪：唐如