所謂冬大過年，疫情下的冬至，適逢政府禁止晚市堂食，若要慶祝節日，只能在家裡團聚。冬至早上的九龍城街市人頭湧湧、熱鬧非常，不少市民都忙着買餸準備冬至團圓飯，有檔主預計今年冬至生意會增加近4成。

培記蔬菜的負責人湯太表示，往年冬至很多人都會出外旅遊或在餐廳酒樓過節，惟今年在疫情肆虐的情況下，港人無法到外地旅遊，加上政府早前禁止晚市堂食，故市民只能在家裏做節。湯太表示，過去周末生意較去年增加近4成，預計今日生意相若，「都唔係逼晒今日嚟買餸，但今朝都已經好多人嚟買嘢」。她指生菜、粟米等火鍋食材較多人選購，「但可能因為經濟原因，所以啲貴價菜會少咗人買」，而今年來貨價則上升了約1至2成，「但我哋都唔敢加價太多」。

周華記雞檔負責人玲姐表示，冬至等節日的生意一定會較平日增加，早上已賣出數十隻雞，客人未有中斷過，今日會提供200多隻雞予顧客選購。玲姐指，由於每年冬至都是重要節日，故預計生意與往年冬至相約，來貨價格增加約1成，「只要啲客見到係新鮮雞，其實都會買」。

黃小姐預計今日會花約1,000至2,000元買餸，晚上與家人「打邊爐」過節。她指過往冬至會與家人出外吃飯過節，「因有多人，所以出街食就會方便啲」。惟今年疫情下只能在家，「都OK嘅，今年無辦法，惟有各自喺自己屋企食，往年十幾人、幾個family join埋一齊食，今年疫情咁緊要，盡量做好自己本份」。她指今日九龍城街市比預期中多人，「都幾熱鬧，物價都冇乜特別加」。

馬太與丈夫今早一起到街市買餸做節，預計花費約1,000元，「買咗啲魚啊、菜啊咁囉，浸鮑魚煲湯」，她認為物價沒太大升幅。馬太表示，過往冬至多在家中過節，故禁堂食對她們影響不大，「咁都好嘅，大家喺屋企，唔會傳染」。她指過往會20多人一起過冬至，但今年為配合防疫措施，同住的人才一起過節，「兄弟姐妹無嚟，大家都知道啦，同政府合作吓啦」。馬太又指今年冬至沒有太大節日氣氛，「唔緊要啦，希望出年好啦」。

孫太指今日只簡單地與兒子過節，待周末才會其他家人吃飯，「今日預300、400蚊左右，都買啲餸菜煲湯、買啲斬料，雞啊、叉燒呢啲」。對於疫情下的冬至，孫太認為「喺屋企食仲好，安全啲，以前多數出街食，依家冇辦法就要喺屋企食，個仔都會買啲外賣小菜返嚟」。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！