【唔好笑！】陳偉霆繼《野狼Disco》後又一鉅獻 率大媽籃球場上跳老舞

蘋果日報 2020/06/24 18:03

陳偉霆廣場大媽野狼DISCO
    陳偉霆（的士陳）喺大陸被喻為國民老公，撈到風山水起嘅佢今年憑翻唱騎呢歌《野狼Disco》而深受歡迎。繼跨年騷帶同阿媽上台同一班大媽一齊跳唱《野狼Disco》後，的士陳最近又再同廣場大媽齊齊合作跳老舞。
    的士陳今次喺大陸選拔搞笑藝人嘅綜藝節目《認真的嘎嘎們》中擔任嘉賓，而節目今日就發佈出一條的士陳同大媽一齊跳舞嘅宣傳片，片中一班大媽正喺籃球場跳舞，而大媽亦非常有爆發力，又踢腿又揚手，完全唔理想打波嘅一班後生仔。而呢個時候，坐喺觀眾席嘅的士陳就出場，佢示意朋友整走大媽嘅音樂，跟住就自己一個企喺籃球場跳老舞單挑大媽。嗱，雖然今次的士陳冇着閃到爆嘅閃金西裝褸、亦冇咬住玫瑰，但佢就憑住瀟灑嘅舞姿令到大媽加入齊齊跳。雖然同大媽跳老舞，但的士陳個樣就跳得好認真，由最初舉手同轉圈到加埋揈手大扭腰呢啲7、80年代嘅舞步，真係睇到人熱血沸騰。
    的士陳繼跨年騷後就開始同大媽有緊密合作，就算之前拍廣告嗰陣，廣告商亦搵嚟一班廣場大媽同的士陳鬥舞，似乎大陸人都睇好的士陳打入廣場大媽呢個咁龐大嘅市場。
    -----------------------------
    打國際線 《蘋果》英文版免費試睇 按此了解更多
    英文版已登錄新版《蘋果》App按此下載/更新
    empty
    （網上截圖）
    empty
    霸住籃球場嘅大媽，舞姿真係令人嘆為觀止。（網上截圖）
    empty
    睇見大媽霸住籃球場跳舞，坐喺觀眾席嘅的士陳亦忍唔住出手。（網上截圖）
    empty
    幾有型！（網上截圖）
    empty
    大媽亦被的士陳迷人嘅舞姿吸引。（網上截圖）
    empty
    班大媽最後仲加入同的士陳一齊跳。（網上截圖）
    empty
    （網上截圖）