當年今日
關於我們

【C1頭條】林欣彤撬華姐牆腳 陪天堂鳥Tyrese打邊爐

蘋果日報 2018/06/12 00:00

林欣彤余思霆超級巨星2C1頭條小巨肺天堂鳥

下個月底將28歲的林欣彤(Mag),2010年參加《超級巨星2》入行,一直被看好的她有「小巨肺」之稱,惜之後遇上失聲、患上抑鬱及厭食症,事業發展全面停頓,直至病癒後轉投王祖藍公司才重新出發。
事業有新開始,愛情方面亦似有「起色」,最近有傳Mag和MK組合天堂鳥成員歐鎮源(Tyrese)撻着,可是Tyrese早有正印女友、華姐冠軍余思霆,因此Mag被指為「最強小三」,《蘋果》讀者Cecilia日前更透過「爆相爆片」,分享在元朗發現Mag及Tyrese拍拖嘆火鍋的相片。
讀者Cecilia表示:「嗰晚9點幾,我喺元朗吉野家見到林欣彤同個男仔(Tyrese)拖住手入嚟,起初都唔認得,因為林欣彤戴口罩,後來佢哋買完嘢,都係林欣彤負責攞嘢食,佢哋全程有講有笑,Mag笑得特別大聲,而且個樣好冧,個男仔食完自己個餐,仲幫Mag食埋佢食剩嘅火鍋配料,食完兩個人用一把遮咁走。」
不過,Mag日前接受《蘋果》訪問,堅稱二人沒有拖手。她說:「冇(拖手),讀者睇錯,真係唔係一齊。」問她可擔心Tyrese女友誤會?Mag強調二人只是朋友,沒有發展可能。昨日她於牛頭角出席活動,對於被封為「最強小三」,Mag笑謂:「如果話我最強,咁係最強三部曲囉,今年我出咗三首新歌就好似連續劇,頭兩首點擊過咗100萬,最尾嗰首要跑數,希望多多支持,如果達標我請食飯。」
Mag又表示,不會因為緋聞減少與Tyrese約會,但講到會否擔心影響對方和女友感情,她則表示不評論,又表示不認識余思霆,大家只是用同一個健身教練。Tyrese受訪亦否認一腳踏兩船:「梗係冇,又邊個咁大整蠱?同朋友食飯真係好正常,唔係男就係女,咁叫佢拎相出嚟睇吓影咗咩相?總之我真係冇做過,唔好意思。」余思霆接受傳媒訪問時表現冷靜:「哦……哈哈(苦笑),我唔知,不如問番佢哋兩個啦!」再問她可感男友一腳踏兩船?她重申:「我唔知,你問佢哋啦!」再問她是否相信男友?她則稱:「信得過嘅……我好亂呀!」
empty