當年今日
關於我們
隔牆有耳:立法會甩石屎 緊急維修 - 李八方
蘋果日報 2011/06/18 00:00
工人噚日修補立法會大樓外牆。
林俊謙攝
有近百年歷史嘅立法會大樓噚日做小型維修,事緣星期三早上,面向皇后像廣場嘅牆身,忽然有石屎批盪剝落,跌咗一堆碎片喺行人路,好彩冇人中招。由於跌石屎位置平日人來人往,好多議員、高官經過,因此立法會即時向政府滙報,古物古蹟辦事處同建築署派員到場,仔細檢查剝落批盪嘅牆身後,立即安排維修,噚日有工人到場補石屎。
呢幢古蹟久經風雨,添馬艦立法會新大樓預計今年落成啟用,暑假後立法會10月復會,會議就移師新大樓舉行,而呢幢歷史建築物另有用途,大修後會成為終審法院。