今年係周杰倫同好友Ric所創立嘅時裝品牌PHANTACi踏入第7年，品牌今年亦特別邀請唔同品牌合作推出聯乘系列。最新公佈與日本原宿潮牌WHIZ及Casio合作，打造三牌聯名別注EX-TR15相機「PHWIZ」。聯名作以Casio旗下人氣ExilimEX-TR15為原型，備有黑白兩色選擇，印上七星圖案，分別係WHIZ代表圖案，同時代表PHANTACi七周年，背面亦刻上代表雙方合作嘅「P.W.」標誌，充滿收藏價值。聯名作將於10月25日開售，不過暫時只知於台灣發售，本地潮人要入手，可能要搵水貨舖幫手。