韓劇《雲畫的月光》女星金裕貞今年2月被診斷患上甲狀腺機能低下症，需要進行甲狀腺手術，金裕貞隨即停工休養，而佢本身接拍嘅JTBC新劇《先熱情的打掃吧》，就延遲到金裕貞康復先開機拍攝。

金裕貞前日透過官方網站上載自拍照及手寫信，相中金裕貞手持一大束鮮花，露出招牌甜美笑容，雖然面頰似乎消瘦咗，但精神不錯，而信中亦寫道：「我喺過去呢段時間好努力，所以身體狀況比之前好返好多，好多謝一直為我打氣、等待我嘅人。劇集今日終於開拍喇，首次拍攝已經順利結束，我亦已經返到屋企休息。一直成為我嘅支柱嘅大家，真係好多謝你哋，我愛你哋，好快再見。」至於《先熱情的打掃吧》預計11月首播。

更多韓流，喺晒《娛果》
http://fb.com/appledailyent