【孖商天娥做音樂劇】張崇德黐到成面鬚 娥姐勁嫌棄

蘋果日報 2017/06/19 21:01

張崇德商天娥麥皓兒
    張崇德、麥皓兒、布偉傑今晚喺旺角麥花臣場館出席「第二屆唱出好聲音歌唱比賽」活動，張崇德擔任至尊星級評判，布偉傑就係參賽者之一。
    張崇德個評判名好犀利，至尊級，佢笑話：「可能呢度嘅人聽我嘅《龍珠》長大，喺佢哋眼中我適合呢個稱呼啦！」張崇德平時有收徒教唱歌，不過大陸歌唱比賽真人騷節目就冇搵過佢做，佢覺得同自己冇經理人公司有關：「可能內地冇聯繫方法，加上大家都知我比較鍾意黐仔女，留低過夜嘅工作都唔接，通常都即日來回。」而以前去澳洲或加拿大出席佈道會，一去就成個月，每次佢都會帶埋仔女一齊去，崇德話：「o依家仔女開始大，學校請假都冇咁易，所以好少有呢個機會行開咁耐。」
    今年9月，崇德有個音樂劇《馬丁路德》演出，佢話o依家開始練歌，搵咗商天娥客串：「唱歌部份好多，跳舞個人solo就唔知有冇，我亦冇信心，呢個係我弱項，因為細個用晒啲時間唱歌，冇學過跳舞。」而劇中佢同娥姐演夫婦，問到有冇親熱戲？崇德笑話：「我諗冇，因為排練時娥姐見我黐到成面鬚，個樣好嫌棄，真係要都可以借位，唔使真正親熱。」
    empty
    （攝影：仇志德）
    empty
    啱啱結咗婚嘅布偉傑都有出席。
    empty
    麥皓兒。
    empty
    張崇德話o依家開始練歌，仲搵咗商天娥客串。