賣化妝品起家嘅卓悅（653），前晚慶祝21周年，搞咗個「華麗閃Chok型人夜」晚宴，請咗Laughing哥謝天華、名模琦琦、童愛玲等明星做嘉賓，晚宴主題係「Chok」，但竟然冇請Chok王林峯做嘉賓！不過華華發現，全晚最突出嘅係主席葉俊亨同佢太太（圖），葉太着套紅色羽毛晚裝，簡直係全場焦點。其實葉太可以學唐安麒咁自己做生招牌，宣傳效果分分鐘好過model啦！