【影響形象】迪子篤爆約玩人魔大戰 黃子恆返娘家開餐:冇特別回應
黃子恆盆菜宴
黃子恆早前被揭與大陸女fans有親密關係,仲疑似搞大對方個肚,仲流出咗佢以普通話同廣東話嘅錄音,不過佢就強調有做足安全措施,否認自己係BB嘅爸爸。而黃子恆開工時話會負責任,如果有需要,亦會配合驗DNA。但一波未平,35E巨胸歌手迪子亦爆出一段同黃子恆嘅WhatsApp對話截圖,顯示黃子恆提出搵地方「人魔大戰。」(新聞連結: http://bit.ly/2Bg23Zi )
黃子恆緋聞纏身,但今晚仍有出席TVB第二晚盆菜宴,講到迪子公開同佢嘅對話記錄,黃子恆話好耐冇同對方聯絡,冇需要特別回應。怕唔怕事件會影響形象?佢話要做好自己,仲會修心養性:「當然,藝人係榜樣,一舉一動都好多人留意。」佢又話唔會怕咗異性,一切都係隨緣,o依家以工作為重。咁公司有冇照肺?黃子恆話公司搵佢傾過,佢有同公司坦白,公司只係叫佢以後小心啲。
精選娛聞,喺晒《娛果》
http://fb.com/appledailyent
繼有大陸女fans指同黃子恆有一手後,迪子話黃子恆約佢玩「人魔大戰」。(資料圖片)
黃子恆出席盆菜宴,佢話好耐冇同迪子聯絡,冇需要特別回應。