對資深馬迷嚟講，對於老牌綵衣總有多少情意結，如九龍會賽馬團體，以往佢哋有「九龍勁」及高踞頂班嘅「九龍寶」等，上季反傳統，捨棄沿用咗廿幾年嘅「九龍」系，新一匹命名為「危險威龍」，就連綵衣都轉埋，可惜與否就因人而異，但前年入主嘅「危險」系馬主阿Paul周邦華作為經理人，打正旗號亦無可厚非。「危險」系嘅馬以往多數由韋達經手贏，「危險威龍」來港未幾傷過腳，上月初出跑直路賽雖大敗，之但係唞兩日即刻復課繼續做嘢，證明健康OK，今次換個雷神及加眼罩，九龍會團體向來唔計賠率，冷冷哋都唔係冇得諗！