采妮GiGi心潔
密斟生仔經
蘋果日報 2014/03/29 00:00
狗仔隊出更
【跑馬地】楊采妮（Charlie）、梁詠琪（GiGi）、李心潔同許茹芸眾所周知係娛圈好姊妹，好好彩佢哋都已經先後嫁咗做人妻，而且有個美滿嘅家庭，榮升人妻後，佢哋都準備好生仔大計。雖然四姊妹各有各忙，撞啱時間都會得閒一聚，就喺前晚10點，其中三姊妹就約埋喺跑馬地食糖水，Charlie同老公邱韶智、GiGi同西班牙老公Sergio，仲有李心潔一行五人，只係獨欠許茹芸。
楊采妮代夫出頭
五個人喺跑馬地蓮園搵位食糖水，坐低冇幾耐GiGi發現有記者影相，本來傾到興起，突然成班人滾水淥腳一齊走，當時大約11點鐘，李心潔跟隨GiGi同Sergio揸車離開，Charlie就開車同老公返去窩打老道寓所。
Charlie老公邱韶智一直好怕面對傳媒，當佢見到記者影相嗰陣，表現愕然，只係低頭冇出聲，木無表情，相反見慣傳媒的Charlie識做咁為夫擋駕，喺寓所門外落車大方接受訪問，態度友善嘅Charlie被問到同老公係咪留喺香港？佢話：「唔係，佢要返內地工作，所以途經香港嚟搵我，大家一齊見吓面。」
採訪、攝影：徐錦池、梁繼光、畢紹基
Charlie老公邱韶智一直好怕面對傳媒，當佢見到記者影相嗰陣，表現愕然，只係低頭冇出聲，木無表情，相反見慣傳媒的Charlie識做咁為夫擋駕，喺寓所門外落車大方接受訪問，態度友善嘅Charlie被問到同老公係咪留喺香港？佢話：「唔係，佢要返內地工作，所以途經香港嚟搵我，大家一齊見吓面。」
採訪、攝影：徐錦池、梁繼光、畢紹基
楊采妮、梁詠琪帶埋老公，同李心潔食糖水，三姊妹見面雞啄唔斷。
食完糖水，李心潔（右）跟住梁詠琪兩公婆離開。