【李八方online】延續《十年》旋風?東區泛民力推《消失的檔案》
李八方消失的檔案東區泛民
東區泛民已經掛起宣傳橫額,呼籲街坊對《消失的檔案》多多捧場。
獨立電影《十年》去年掀起嘅熱潮,大家應該記憶猶新,當時東區泛民10位區議員都大力推動呢股旋風,喺柴灣青年廣場籌辦《十年》嘅放映會,讓逾600名市民一齊細味電影有乜啟示。
東區泛民今年繼續有新搞作,適逢六七暴動50週年,東區泛民希望透過舉辦由資深傳媒工作者羅恩惠製作嘅《消失的檔案》紀錄片欣賞同座談會,將呢唔少土共左派都未必想再提嘅香港歷史,呈現公眾眼前,並鼓勵家長同子女一齊參與,達致公民同歷史教育嘅效果!
座談會6月17日(星期六)晚7點半喺柴灣青年廣場Y綜藝館舉行,門票即日起分別喺十位東區民主派議員辦事處發售,門票每張60元正(全日制學生同65歲以上長者半價),詳情可參閱: https://m.facebook.com/eastern.pandemocrats.hk/