台灣呢段爺孫戀相差41年……相戀3年幾……外界一直唔多睇好，60歲男友兼知名歌曲《心肝寶貝》作詞人李坤城，早前承諾娶小情人林靖恩，佢哋早前接受台灣《蘋果》專訪。

呢段爺孫戀屢被外界睇衰，李坤城更曾遭女方父親以「妨礙家庭和誘罪」提告，最終獲不起訴處分，聽日就係（15日）林靖恩將滿20歲前夕，佢同李坤城表示計劃改變，唔喺聽日登記結婚，因為要讓林靖恩好好過廿歲生日，講到點解唔先搞結婚登記？林靖恩仲好怕羞咁講：「不想結婚紀念日跟生日同一天！」

講到佢哋二人年紀相差成41歲，李坤城提早離世，林靖恩就直言若果李坤城過身，二人過去嘅快樂回憶，將永存喺心中，李坤城認為聽日靖恩滿20歲，彼此唔會有太多改變，但至少女友喺佢家過夜，唔再需要靖恩爸爸同意，女友可以自主啲。

若林靖恩未來要工作，亦開始擁有屬於自己嘅帳戶，首要係先搞護照，讓二人可以出國行吓，至於蜜月地點，佢哋首選去日本九州熊本，因為女友鍾意熊本熊，佢希望帶女友去東京玩。

聽日女友生日，李坤城將送iPhone 7手機作禮物，畀小情人用嚟玩《Pokémon GO》，唔會成日hang機，表露錫女友嘅一面。林爸爸一直極力反對婚事，未知呢次婚禮，佢會唔會應邀，此外，李坤城對未來充滿希望，計劃同林靖恩生小朋友，仲透露想生個囡囡，稱因為囡囡較貼心。