謬波份預算案派免費海洋公園入場券俾人鬧，免費考DSE又俾人鬧，八方怕考試，無咩興趣入試場，睇完「國師」陳雲嘅「分析」，更加唔會上陣。

陳雲在fb留言，指政府俾人免費考DSE，目的其實係要浪費民力，亦係要確認新考試制度和評分標準的公信力，增加特區政府的信任度；咁做，佢認為係「類似中共在增加制度集權的八十年代，恢復高考制度。」

原來特區政府有咁大陰謀！？「國師」話史有明鑑，指唐初天下平定，朝廷大興科舉，唐太宗李世民私下去視察御史府（主持進士考試的官署），目睹新科進士魚貫而出，洋洋得意話說：「天下英雄，入吾彀中矣！」呢句話，用家陣說法，即係指天下有為文士，都已進入其「圈套」了。唐朝科舉要公開簽署姓名，朝廷從考卷答題，可以觀察天下文人的學問、師承、派別、性情與家世，連上次考試成績等資料都一清二楚，「國師」形容係古代華夏政府收集大數據嘅手法。既然咁，免費DSE，有得考，你哋考唔考？

立會補選新聞，《蘋果》一網睇晒
https://hk.feature.appledaily.com/legco2018/