麥潔文今日喺土瓜灣為演唱會綵排，老公江華就戴上黑超現身支持。麥潔文表示為個唱已成功勁減30磅，佢透露今次個唱有一段十幾分鐘嘅跳舞環節，不過對佢嚟講依然冇難度，因為佢當年都有跳舞皇后嘅稱號。

提到鄧萃雯近期承認當年拍劇壓力大致有情緒病，曾同雯女傳緋聞嘅江華表示，o依家冇對方電話，有機會都想慰問一下佢。江華又希望可搵雯女一齊拍由佢執導嘅褔音電影，話晒都係前緋聞，使唔使問問老婆先？江華話：「有時唔使問，都係睇工作性質。」