【爆料日日新】被揭落車要助理先開門 吳謹言遭攝影師證耍大牌

蘋果日報 2018/09/02 17:36

吳謹言《延禧攻略》
    大陸女星吳謹言憑《延禧攻略》走紅，不過「人怕出名」，吳謹言呢頭俾「央視滴子」《中國電影報導》插爆扮大牌後（新聞連結： https://bit.ly/2LAM7Ej ），搞到吳謹言要三度道歉「耍冧」（新聞連結： https://bit.ly/2LOaYok ）。
    今日大陸又有媒體爆料話有攝影師影到吳謹言私下扮大牌行為，話佢坐車到某酒店時，助理先下車，吳謹言還坐喺車入面，直到助理幫吳謹言開車門，吳謹言先落汽車，派頭十足。個攝影師指責吳謹言剛紅起嚟就學人耍大牌，要表現高人一等，實在係唔好嘅行為。
    《人民日報》之前都發文批評吳謹言，希望佢耍大牌係第一次，也是最後一次，對身邊幫佢做嘢嘅人以禮相待。呢輪佢真係俾網民插爆，傳聞連廣電局都要教訓佢，私底下知會各大影視公司慎用呢個演員（新聞連結： https://bit.ly/2LAM7Ej ），如果傳言屬實，難怪有兩部戲傾緊想搵佢做女主角都臨時飛起佢（新聞連結： https://bit.ly/2ovMo2c ）。其實吳謹言嘅團隊嘅工作態度係好有問題，睇嚟吳謹言如果想繼續紅落去，可能要諗下換工作團隊啦！
    精選娛聞，喺晒《娛果》
    http://fb.com/appledailyent
    empty
    吳謹言憑走紅後，是非一直未停過。（互聯網圖片）
    empty
    近日俾負面新聞纏身嘅吳謹言，幾乎日日俾網友插。