謝霆鋒緋聞女友JaniceMan身在米蘭2015春夏時裝周，當地時間今日中午12點睇RobertoCavalli騷，同場座上客有超模CocoRocha同《天橋驕子》(ProjectRunway)主持名模HeidiKlum，Heidi仲同設計師合照。

問JaniceMan鋒菲復合，她即笑笑口話：「忙睇騷冇睇，但太多人畀短訊我，有睇。」會唔會祝福？佢話：「如果係真，會衷心祝福。」會唔會發短訊問霆鋒？她說：「唔八卦，少聯絡，間中聯絡。」對於鋒菲姊弟戀年齡相距11年，佢話：「愛冇分年齡，鍾意人睇個性，信緣份。」

對鋒菲分手11年再復合，佢話：「緣份，自己都信，冇人知聽日發生乜事，要珍惜。」有否睇二人家中密會的相？她說：「睇得唔清楚，拍拖蜜運個樣會靚啲，係開心事。」她謂沒有問霆鋒是否拍拖，咁覺得鋒菲會唔會結婚？佢話：「人哋愛情只有佢哋先知，兩個人開心就得，結婚whynot？冇嘢係絕對，結婚都會離婚，兩個人開心一齊就得。」睇唔睇好二人關係？佢話：「假設性問題唔答，唔係佢哋，得佢哋知，開心最緊要。」