曾主演《奇皇后》、《傲慢與偏見》等韓劇嘅女星白珍熙，去年7月傳出戀上《鑽石人生》舊拍檔朴瑞俊，不過當時佢哋只係話大家係關係好好嘅朋友，但之後有網民發現佢哋各自上載到網上嘅照片中，二人都係戴上同款情侶戒，又着住同一款服裝，有人更聲稱目睹朴瑞俊近日已搬到白珍熙屋企附近，仲見到佢哋一齊散步，即時令二人嘅緋聞又再被炒熱起來，指佢哋已暗交兩年。

雖然有唔少證據，但係佢哋兩方面都仍然貫徹始終，朴瑞俊所屬嘅公司就話兩人只係關係好好嘅同事，至於白珍熙方面就話：「雖然朴瑞俊搬家後同白珍熙住係同一社區，但係那個社區都有很多藝人住，大家以為係戴情侶戒，其實係白珍熙嘅家族戒指。」佢哋死都唔肯認戀情，可能係怕對自己事業有影響，加上近日佢哋都有新劇拍緊及推出，自然唔想有緋聞纏身。