當年今日
關於我們

【曾合拍短片】疑背妻偷食 許鞍華撐吳秀波 私德不影響生活

蘋果日報 2018/09/27 14:13

許鞍華樹大招風道具全與許鞍華對話

金像導演許鞍華(Ann)噚晚現身演藝學院「與許鞍華對話」影藝座談會,分享喺影壇40年嘅高低起伏,談到最低潮時期,她稱:「人人都有㗎啦,中間有段時間拍啲戲拍得唔好,依家大家都唔記得啫。」Ann亦謂現時拍港片好艱難:「依家冇錢,以前有錢。開工,辛苦,但係依家想辛苦都冇得辛苦。」
早前Ann喺內地參與綜藝節目,仲同吳秀波合作即場拍咗條短片,Ann話:「個節目要我示範,嘩!原來要拍一段15分鐘短片,我唔知咁認真,以為係教書咁,搞錯晒,唯有盡力去做。」佢仲話同吳秀波都擔心準備不足拍得唔好,會畀人鬧,不過Ann就大讚對方好專業。提到吳秀波陷入桃色醜聞,Ann就話:「我唔清楚,我覺得私生活同工作唔應該混埋一齊講。」
另外,提到道具領班「道具全」張偉全上訴,Ann稱之前不在港,未清楚件事,但亦表示支持。
empty
今次講座由左派陣營「香港各界婦女聯合協進會」舉辦,副主席兼曾屬「梁營」嘅盧高靜芝(左二)自是出席,蔡志明太太李惠莉亦有現身。 (攝影:羅慧敏)
empty
「團結香港基金」唱好東大嶼填海建人工島,非常意外地極地探險家李樂詩(左二)都支持。