唔理你有無儲開波鞋，「一剔」預告呢對好有可能出嘅鞋，你一定要留意。「一剔」今日響twitter上載咗一張剪影相，關於對鞋幾時出，caption只係得一句，就係32,293分嘅時候。咁呢組數字又代表啲乜？係球迷嘅你應該知道「波神」米高佐敦生涯射入咗32,292分，響NBA史上排第3，至於湖人當家球星拜恩依家就射入咗32,230分，即係話佢落後MJ嘅紀錄只係62分，要破紀錄嘅話就要射入63分。咁即係話，「一剔」打算響拜恩破紀錄嘅時候，出番對特別版波鞋賀下佢，咁有紀念價值，唔係唔買呀？拜恩今季場均射入25.2分，如果keep住呢個平均數，即係話最快響呢個月14號作客木狼場波可以破紀錄，咁當然，如果拜恩響之前兩場鬥帝王同馬刺爆seed嘅話，提早破紀錄都係有可能嘅！

雨傘革命: http://umbrella.appledaily.com