當年同屆亞姐亞軍饒珮君說：「我記得同佢同屆參選，佢因為拍性感相退選，我覺得每個人都應該珍惜生命，要正面解決問題。」
亞視藝人黃麗梅早年主持亞視節目《今日睇真D》也曾訪問孫亞莉，由於大家都是從內地來港發展，所以特別留意她，黃麗梅呼籲大家要珍惜生命，「藝人壓力好大，條路都好難行，但冇問題係解決唔到嘅。」
孫亞莉退選後曾參演過多套電影，她在02年與譚小環合作電影《日本少林》，雖然兩女對手戲不多，但因孫亞莉樣子甜美，平時在片場中很有禮貌，所以譚小環至今仍記得她，「佢係一個好乖同好有條件嘅女仔，我記得空檔時佢有喺片場同我打招呼。」
藝人王秀琳（Mango）曾在電影《每天嚇你8小時》與孫亞莉合作，她記得對方身材不俗，雙方在拍攝時間中有閒聊，王秀琳表示無論是何人，她都認為以自殺來了結生命是很可惜，更會令家人很傷心。
曾與孫亞莉合作過半年的前經理人Samson昨晚對記者說：「近年我同佢失去聯絡，我知圈中佢同古惠珍比較熟，聽到佢死訊，我都好唔開心。」
本報記者